Kryetari i Komunës së Prishtinës, Shpend Ahmeti ka paralajmëruar se shumë shpejtë Komuna do të dalë me propozime për lokacionet për shtatoren e Anton Çettës, pajtues i gjaqeve.

Instituti Albanologjik nuk e ka lejuar shtatoren në oborr me arsyetimin se hapësira e këtij institucioni nuk është vend adekuat për shtatoren e Anton Çettës.

“Anton Çetta është një prej figurave më frymëzuese dhe emancipuese në Kosovë e më gjërë. Si i tillë, diskutimi për shtatoren duhet të jetë i kufizuar vetëm në gjetjen e vendit më të dinjitetshëm, jo vetëm si respekt për veprën, por edhe si shpërndarje e frymës së emancipimit, mobilizimit dhe ballafaqimit me problemet shoqërore në Kosovë që ka frymëzuar Çetta”, ka shkruar Ahmeti në Facebook.

“Si Komunë, gjatë javëve në vijim do të shqyrtojmë e propozojmë lokacionet për shtatoren”, ka shkruar ai.