Në takimin me Asamblenë e Përgjithshme të Interpolit në nëntor, çështja e anëtarësimit të Kosovës në këtë organizatë ndërkombëtare është përsëri aktuale.
Përfundimisht, anëtarësimi i Kosovës në Interpol është ose “rrezik i pashembullt” ose “kontribut në luftën kundër krimit ndërkombëtar” – në varësi të faktit nëse pyesni Beogradin apo Prishtinën.
Kështu shkruan BBC në gjuhën serbe në një artikull dedikuar kësaj çështjeje.
Ministria e Punëve të Jashtme e Kosovës konfirmoi se çështja e anëtarësimit të Kosovës do të jetë në agjendën e votimit në Asamblenë e Përgjithshme të Interpolit në Dubai.
Autoritetet në Beograd kundërshtojnë fuqimisht këtë.
Pse është e rëndësishme çështja e anëtarësimit në Interpol për Kosovën?
Ministri i Jashtëm kosovar Behgjet Pacolli iu përgjigj kësaj pyetjeje për BBC-në në serbisht. Ai përmendi katër arsye kryesore për hyrjen e Kosovës në Interpol:
Lufta kundër terrorizmit dhe krimit të organizuar
Bashkëpunimi ndërkombëtar në sektorin e sigurisë
Kosova dëshiron të marrë përgjegjësinë për bashkëpunim të plotë me faktorët e sigurisë
Siguria në Ballkan pa Kosovën nuk është plotësisht e plotë dhe rajoni nuk është i qëndrueshëm.
Pse është e rëndësishme për Serbinë që Kosova të mos bëhet anëtare e Interpolit?
Zyrtarët e lartë të Ministrisë së Punëve të Brendshme të Serbisë të kryesuar nga ministri Nebojsha Stefanoviq, kohët e fundit kanë paraqitur disa argumente kryesore përse Beogradi kundërshton anëtarësimin eventual të Kosovës në këtë organizatë ndërkombëtare:
Anëtarësimi i Kosovës në Interpol do të ishte në kundërshtim me ligjin ndërkombëtar, Rezolutën 1244 dhe do të çonte në pasoja të pafavorshme për dialogun midis Beogradit dhe Prishtinës
Vitin e kaluar, Interpoli miratoi rezolutën që vendet që kërkojnë pranim duhet të jenë anëtarë të OKB-së ose të kenë statusin e vëzhguesit
Institucionet e Prishtinës nuk janë në gjendje të ofrojnë sigurinë në Kosovë
Aderimi i Kosovës në Interpol do të shërbejë si një hakmarrje ndaj pjesëtarëve të policisë dhe ushtrisë së Serbisë të cilët morën pjesë në luftën në vitin 1999 me faktin se mijëra prej tyre do të gjendeshin në urdhërarreste. /kk/