Është një prioritet që gjumi i natën te jetë i qetë dhe i plotë. Përfitimet e gjumit variojnë por më i rëndësishmi është shëndeti i trurit dhe që ai të jetë në gjendje të mirë.

Tani kërkimet e reja të paraqitura në Kongresin e Shoqërisë Europiane të Kardiologjisë 2018 në Mynih, Gjermani, sugjerojnë një lidhje midis fjetjes më pak se gjashtë orë, ose zgjimit disa herë gjatë natës dhe ndikimi negativ në arteriet e zemrës.

Studimi, i kryer nga Fernando Dominguez, nga Qendra Kombëtare Spanjolle për Kërkime Kardiovaskulare, monitoroi cilësinë dhe sasinë e gjumit prej 3,974 të rriturve të shëndetshëm dhe më pak të shëndetshëm për shtatë ditë, transmeton lajmi.net.

Ata përdorën teknologjinë ultratinguj për të vlerësuar arteriet e pacientëve dhe i kanë ndarë në pesë grupe në bazë të gjatësisë së kohës së tyre të gjumit. Studiuesit zbuluan se ata që flinin më pak kishin sforcim të arterieve, të tjerët që flinin shtatë deri në tetë orë nuk i kishin këto probleme.

Dr. Ackermann thotë se gjumi i pakët mund të rrisë rrezikun për zhvillimin e rezistencës ndaj insulinës dhe diabetin ose obezitetin në një afat të gjatë, të dyja këto janë kontribues të rëndësishëm në sëmundjen kardiovaskulare, megjithatë, marrja e një gjumi të mirë të natës është gjithmonë një ide e mirë për shëndetin dhe mirëqenien tuaj të përgjithshme. /Lajmi.net/