‘Citizens’ e kërkojnë me çdo kusht fitoren, në mënyrë që të mbajnë hapin me skuadrën e Liverpool, në luftën për titullin.

Në anën tjetër, Maurizio Sarri ishte i pari që me skuadrën e tij e mposhti kampionin në fuqi këtë sezon.

Interesant është fakti se ndeshjen mes dy skuadrave do ta referojë gjyqtari Mike Dean, i cili sot mund të shkruaj historinë e Premierligës.

Dean ka referuar plot 472 ndeshje në Premierligë. Në këto ndeshje ai ka shpërndarë 1,712 kartonë të verdhë dhe 99 të kuq.

Anglezi është vetëm një karton larg që të bëhet i pari që ka dhënë 100 kartonë të kuq në histori të Premierligës.

Në një ndeshje që pritet të jetë shumë dinamike, ai shumë lehtë mund ta shkruaj historinë sot.

Mbetet të shihet nëse ndonjëra skuadër do të ‘gjymtohet’ për t’u bërë pjesë e historisë.