Në kopshtin botanik “Acharya Jagadish Chandra Bose”, në Kalkuta të Indisë, ndodhet pema më e gjerë në botë e cila duket sikur të ishte një pyll.

Kjo pemë ka 2.880 rrënjë që dalin nga toka e që në shikim të parë, duket sikur të ishte fjala për një pyll të tërë dhe jo për një pemë të vetme.

Pema e madhe e llojit banyan (Ficus Benghalensis) është e vjetër mbi 250 vjet, ndërsa mbulon 14.500 metra katror të sipërfaqes së tokës. Pasi ishte sulmuar nga parazitët, në shekullin e 19-të, maja e kësaj peme, e gjerë 15.7 metra ishte hequr në tërësi, por fatmirësisht rrënjët e tij kishin mbetur të paprekur.

Rreth kësaj peme gjigante është ndërtuar edhe një rrugë me gjatësi 330 metra, në mënyrë që vizitorët të mund të sodisin këtë mrekulli natyrore pa e dëmtuar atë.

Sidoqoftë, me kalimin e viteve kjo pemë vazhdoi të zgjerohet, prandaj edhe rruga tashmë është përpirë brenda degëve të tij dhe kufiri i ekspansionit vazhdon të rritet nga dita në ditë.