Sot është një ditë me mot të vranët e me reshje shiu. Vende-vende ka edhe rrebeshe shiu, stuhi dhe bubullimë të cilat mund të shkaktojnë edhe vështirësi në komunikacionin rrugor.

Policia e Kosovës me qëllim të ngritjes së sigurisë në trafikun rrugor, ngritjes së vëmendjes për një kujdes më të shtuar për të gjithë pjesëmarrësit në trafik, në vazhdimësi ndërmerr veprime policore të cilat kontribuojnë në ngritjen e nivelit të sigurisë në trafik.

“Vëmendje kërkohet, posaçërisht në këtë periudhë kur kemi të reshura atmosferike, ku mund të ketë kufizim të dukshmërisë, rrugët mund të bëhen më të rrëshqitshme dhe qarkullimi nëpër rrugë vështirësohet”, thuhet në apelin e policisë.

Policia e Kosovës ka njoftuar se me njësitet e saj do të vazhdojë të monitorojë dhe të menaxhojë situatën në trafikun rrugor nëpër të gjitha rrugët e vendit dhe aty ku pjesëmarrësit bien ndesh me rregullat në trafik, masa ndëshkuese ligjore do të aplikohen me qëllim të parandalimit të rasteve të aksidenteve në veçanti atyre me fatalitet që po paraqesin shqetësim për të gjithë dhe po shkaktojnë humbje të jetëve njerëzore./21