Shefi i Grupit Parlamentar të PSD-së Dardan Sejdiu ka thënë se nuk do të japin votën e tyre për Buxhetin, pa u plotësuar kushtet të cilat ata i kanë vënë Qeverisë, raporton Informatat.com.

“Pesë kushtet që i kemi paracaktuar për buxhet, prej të cilave deri më tani  nuk kemi parë ndonjë lëvizje. Kemi biseduar me Qeverinë, përkatësisht me zyrën e kryeministrit dhe sinjalet janë që do të plotësohen kushtet. Por a u plotësuar kushtet ne votë për buxhet  nuk japim.

Kushtet e PSD-së sipas tij janë funksionalizimi i Ministrisë së Bujqësisë, themelimi i një komisioni të veçantë, apo fillimin e procedurës së draftimit të kodit pensional. Kushti tjetër sipas tij është Ligji për dialogun, zvogëlimi i numrit  të zëvendës ministrave dhe se për këtë siç tha ai janë dakorduar, që për tre muaj, ligji për Qeverinë ta trajtojë këtë çështje. Ndërsa tha se pret që kryeministri ta shkarkojë dhe Ministrin e Bujqësisë Nenad Rikallo, ndryshe sipas tij bujqësia rrezikohet, duke  mbajtur si pazar politik me listën serbe.

“Presim që kushtet të plotësohen, para ditës së votës për buxhet. Nëse Qeveria do ta kalojë buxhetin me votat e PSD-së duhet të angazhohet t’i plotësojë këto kushte. Ka të bëjë me funksionalizimin e Ministrisë së Bujqësisë. Nëse një kryeministër mendon që bujqësia mund t’i ipet një ministri i cili nuk del në zyre, nuk punon në sektorin më strategjik, atëherë ai i gjithë sektori që lidhet me bujqësie  rrezikon duke e mbajtur si pazar politik me listën serbe”, tha ai./Informatat.com/