Projektligji për Dhomën e Posaçme të Gjykatës Supreme po diskutohet në Seancën e jashtëzakonshme të Kuvendit të Kosovës. Ajo po has në kundërishtime nga opozita për kohën e shqyrtimit dhe trajtimit të tij.

Mirëpo, jo të gjithë menojnë njëjtë, pasi deputeti nga Nisma për Kosovën, Bilall Sherifi, ka përkrahur iden që leximi i parë i këtij projektligji të kalojë sot dhe më pas të diskutohet

“Ne nuk e kemi pas në tërësi projektligjin, është e drejtë e tyre që të gjitha problemet përmbajtësore mund t’i diskutojnë më pas, pasi të kalohet leximi i parë. Mbështes që sot të mbahet mbledhja e komisionit dhe të gjithë ta shtyjmë përpara këtë lexim të parë dhe mos ta bëjmë betejë numrash. Ta kalojmë dhe më pas vijmë e diskutojmë këtu, pastaj të hyjmë të gjithë së bashku ta përmirësojmë atë para se të shkojmë në pushim”, tha Sherifi.

Ai ka thënë se synimi është që puntorëve t’u respektohen të drejtat e tyre.

“Për puntorët kjo vetëm sa përshpejtohet, duke përmirësuar ato pjesë të ligjit dhe të realizohen të drejtat e tyre të plota”, ka thënë Sherifi.