Deputeti i Kuvendit të Kosovës nga Nisma Socialdemokrate, Zafir Berisha, ka thënë se dialogun me Serbinë duhet ta udhëheq një ekip gjithëpërfshirëse, për përfaqësues politikë, nga shoqëria civile dhe jeta akademike.

Për ftesën që Kadri Veseli i ka bërë sot Isa Mustafës së LDK-së që ta udhëheq këtë proces, Berisha ka thënë se është tallje nga i pari i kuvendit, njofton Klan Kosova.

“Është tallje. Isa Mustafa është i sëmur dhe nuk mund t’i komentoj talljet e tyre mes vete”, ka thënë ai.

Deputeti Berisha duke folur në Info Magazine për procesin e dialogut ka thënë se edhe LDK ka një pjesë të fajit.

“LDK është pjesë e këtyre marrëveshjeve të dëshme për Kosovën. Mustafa ka qenë kryemistër dhe disa prej veprimeve të dëmshme që Thaçi i ka nsië Mustafa i ka nënshkruar, si marrëveshja për Asociacionin e Komuanve Serbe”.

“Nuk mund të them se LDK dhe Thaçi kanë dallime të mëdha”.

Berisha ka theksuar se dialogu me Serbinë nuk është cështje e politikës ditore, duke bërë thirrje për kujde

“Këtu është në pyetje e ardhmja e vendit, perspektiva ynë, e fëmijëve tanë”.

“Është mirë që të gjithë të jenë të përfshirë”.