Ambasadori i Rusisë në Kombet e Bashkuara, Vasily Nebenzya , i është kundërpërgjigjur vargut të lutjeve të prera nga liderët botërorë dhe delegatët në mbledhjen e Këshillit të Sigurimit për të de-përshkallëzuar konfliktin në Ukrainë.

“Do ta lë pa përgjigje sulmin e drejtpërdrejtë verbal ndaj nesh”, tha Vasily Nebenzya në takimin në Nju Jork.

Vasily Nebenzya tha se “lejimi i një gjakderdhjeje të re në Donbass është diçka që ne nuk kemi ndërmend ta bëjmë”.

Nebenzya gjithashtu sulmoi perëndimin për “nxitje” të Ukrainës drejt konfliktit dhe akuzoi kombet e tjera se nuk e kishin parasysh gjendjen e atyre në Donbass, shkruan CNN.

“Shumica prej jush nuk gjetën asnjë vend për afro katër milionë banorët e Donbasit… Kolegët tanë perëndimorë kanë grumbulluar pa turp armë në Ukrainë.”

Ai tha se Rusia mbetet e hapur ndaj diplomacisë dhe këmbënguli se Ukraina është ende e detyruar nga marrëveshja e Minskut.