Është zyrtare – Beyonce do të performojë në Oscar 2022!

Të martën mbrëma, Akademia shpalli listën e yjeve që do të performojnë në ceremoninë e kësaj fundjave, duke përfshirë edhe artisten 40 vjeçare.

Beyonce do të këndojë “Be Alive” nga King Richard, e cila i dha Beyonce’s nominimin e saj të parë për këngën më të mirë origjinale.

Billie Eilish dhe vëllai i saj FINNEAS do të performojnë këngën e tyre të nominuar “No Time to Die” nga filmi i James Bond me të njëjtin emër. Sebastian Yatra do të performojë për “Dos Oruguitas” nga Encanto, e cila u shkrua nga kandidati për Oscar, Lin-Manuel Miranda. Ndërkohë, kënga e Diane Warren e nominuar për Oscar “Somehow You Do” nga Four Good Days do të interpretohet nga Reba McEntire.

Van Morrison, i cili shkroi dhe këndon këngën e nominuar “Down to Joy” nga Belfast, nuk do të jetë në gjendje të marrë pjesë ose të performojë në shfaqje për shkak të orarit të turneut të tij, sipas ABC, transmeton Klankosova.tv.

Ceremonia e Oscar zhvillohet të dielën, më 27 mars me mikpritësit Amy Schumer, Regina Hall dhe Wanda Sykes.