Sulmuesi uruguaian mund t’i japë fund eksperiencës evropiane, atë e do klubi argjentinas në verë.

Edinson Cavani mund t’i japë fund eksperiencës evropiane në fund të këtij sezoni.

Sulmuesi uruguaian ka marrë ofertë nga Amerika e Jugut.

Mediat italiane raportojnë se veteranin e sulmit e do River Plate.

Klubi argjentinas synon ta marrë “El Matadorin” në vend të Alvarezit në muajin korrik.

Por, ende nuk ka asgjë të konfirmuar rreth këtij interesimi.

Ish-futbollisti i Palermos dhe Paris Saint-Germainit do të qëndrojë në Manchester United deri në fund të sezonit.

Më pas do t’i skadojë kontrata dhe do ta zgjedhë klubin e ri.

Nuk përjashtohet mundësia që përfaqësuesi uruguaian të përfundojë në La Liga.

Madje, gjatë janarit spekulohej se sulmuesi i rrezikshëm mund të përfundonte në Barcelonë.