Kryetarja e KQZ-së, Valdete Daka, ka deklaruar se mbledhjet në këtë institucion janë shndërruar në teatër për kamerat dhe gazetarët.

Këtë deklaratë ajo e dha pas debatit me anëtarët e VV-së, Sami Kurteshi, e Alim Rama, të cilët i akuzoi se janë duke bërë fushatë kudër saj, e cila siç theksoi, është shndërruar në personale.

“Jemi mësuar se për çdo gjë që ndodhë në Kosovë, Valdete Daka është fajtori kujdestar. Edhe për ato çka ndodh në KQZ është Valdete Daka. Faleminderit edhe për faktin që më keni bë kaq të fuqishme. Unë jam personi qe e kontrolloj krejt – Faleminderit , shumë jam e lumtur që jam aq e fuqishme. Çdo mbledhje është kthyer në teatër për kamerat. Jemi shndërrar në seria”Kasandra”, çdo ditë i japim material gazetarëve që të qesin me neve, faleminderit”.

“E gjithë fushata e juaj kundër meje është shndërruar në personale, se juve po ju pengon Valdete Daka me vet faktin që e zbaton ligjin”.

“Valdete Dakën e keni shndërruar në personalitet i cili krejt mërgatën është duke e ndaluar të votojë.  A bën ju të ndaleni. Prej që keni ardhur ju të dy, mbledhjet janë shdëruaru në ankth për të gjithë. Bollni bre mo” u shpreh Daka, duke iu referuar përfaqësuesve të VV-së, Alim Rama e Sami Kurteshi.