Presidenti francez Emmanuel Macron ka thënë se ditët në vijim do të jenë vendimtare për de-eskalimin e krizës në Ukrainë, pas takimit me presidentin e Rusisë Vladimir Putin.

Putin la të kuptohet se ka pasë përparim gjatë samitit të tij të parë në Moskë me një udhëheqës perëndimor që kur trupat ruse u mblodhën në kufijtë e Ukrainës.

Moska e ka mohuar çdo plan për të pushtuar, megjithatë shtetet perëndimore janë bërë gjithnjë e më të shqetësuara nga mundësia e një konflikti.

Zyrtarët amerikanë thanë të dielën se Rusia ka mbledhur 70% të forcave ushtarake të nevojshme për një pushtim të plotë, shkruan BBC.

Macron, i cili foli me homologun e tij Putin gjatë një darke pesëorëshe, iu ka thënë gazetarëve se ditët e ardhshme do të jenë “vendimtare” dhe “kërkojnë diskutime intensive që do t’i kemi së bashku”.

Presidenti rus tha se disa nga propozimet e Macron “mund të krijojnë bazën e hapave të mëtejshëm të përbashkët” duke deklaruar se “ndoshta është ende herët për të folur për to”.

Dyshja do të flasin sërish pasi presidenti francez të udhëtojë në Kiev të martën për të takuar presidentin ukrainas Volodymyr Zelensky.