Paulo Dybala i dha fund me lot në sy eksperiencës në Juventus përpara tifozëve të tij, ku kishte luajtur nga viti 2015.

Në fundjavë, ai do ta zhvillojë ndeshjen e fundit me “Bianconeri” dhe më pas do të jetë i lirë ta zgjedh ekipin e ri.

Dhe, duket se përfaqësuesi argjentinas tashmë e ka zgjedhur klubin e ri.

Mediumi italian “Corriere della Sera” raporton se ish-futbollisti i Palemros ka arritur marrëveshje në parim për t’iu bashkuar Interit, raporton “Gazeta Express”.

Gjithnjë sipas mediumit italian, palët e kanë gjetur gjuhën e përbashkët për një kontratë katërvjeçare.

Me këtë rast, sulmuesi i rrezikshëm do të paguhet 6 milionë euro në vit.

Ditë më parë spekulohej për një transferim të mundshëm të Dybalas në Romë, ku do t’i bashkohej Jose Mourinhos në kryeqytetin italian.