Presidenti i Turqisë ka thënë se njohja nga Rusia e dy rajoneve të shkëputura në Ukrainën lindore është e papranueshme.

“Ne e shohim këtë vendim të Rusisë si të papranueshëm. Përsërisim thirrjen tonë respektim të ligjit ndërkombëtar nga të gjitha palët”, u tha Erdogan gazetarëve të martën.

Gjithashtu, Erdogan ofroi të ndërmjetësonte në konflikt dhe paralajmëroi Rusinë kundër pushtimit të Ukrainës. Ai kritikoi gjithashtu Perëndimin për trajtimin e krizës.

Ai tha se Konferenca e Mynihut nuk ishte gjë tjetër veçse një Samit i NATO-s.

Turqia është fqinje detare e Ukrainës dhe Rusisë në Detin e Zi dhe ka lidhje të mira me të dyja.