Christian Eriksen deklaroi se do të donte të luante përsëri në Champions League. 

“Kam oferta dhe opsione të ndryshme, të cilat po i shqyrtojmë dhe më pas marrim një vendim. Do të doja të luaja përsëri në Champions League”, ka thënë ylli danez për “Viaplay”.

Eriksen pësoi një arrest kardiak kur luajti për Danimarkën kundër Finlandës në Euro 2020. Gjatë asaj kohe ai ishte lojtar i Interit, por për shkak të rregullave në Itali nuk mund të vazhdonte aty, duke u detyruar që të zgjedhë Brentfordin e cila ia dha një kontratë për gjashtë muaj. Kontrata e Eriksen me Brentford do të mbarojë së shpejti duke ngritur pikëpyetje mbi të ardhmen e tij.

Trajneri i Brentfordit, Thomas Frank, e ka bërë të qartë se dëshiron që bashkëkombasi i tij të qëndrojë, ndërsa raportimet në Angli thonë se Eriksen mund të kthehet te Spurs ose do të shkojë tek Manchester United.