Është finalizuar trajnimi në mes të forcave special të Shteteve të Bashkuara të Amerikës dhe atyre të Kosovës.

Ministri i Punëve të Brendshme Xhelal Sveçla, tha se përmes këtij trajnimi forcat speciale të Kosovës kanë arritur të zgjerojnë njohuritë e tyre.

“Pata nderin e veçantë që të marr pjesë në ceremoninë e finalizimit të suksesshëm të trajnimit mes Forcave Speciale Amerikane dhe Njësisë Speciale Intervenuese të Policisë së Kosovës. Përmes këtij trajnimi, zyrtarët e Njësisë Speciale Intervenuese të Policisë së Kosovës kanë arritur të zgjerojnë njohuritë e tyre e të fitojnë shkathtësi të reja operimi”.

Sveçla tha se kjo është si rezultat i bashkëpunimit të mirë mes dy vendeve.

“Përkushtimi i Forcave Speciale Amerikane për të ndarë njohuritë e tyre me ne, përveç që është rezultat i bashkëpunimit të mirë mes shteteve tona, dëshmon gatishmërinë për të na ndihmuar në ngritjen e kapaciteteve tona”.

“Gjej rastin që edhe publikisht të falënderoj zyrtarët e Forcave Speciale Amerikane për njohuritë e ofruara dhe zyrtarët e Njësisë Speciale Intervenuese për vullnetin”.