Federata e Sindikatave të Shëndetësisë së Kosovës ka dalë me një reagim lidhur me draftet për Ligjin e Pagave.

Në njoftimin e tyre, thuhet se ata nuk kanë marrë pjesë në hartimin e draftit të Ligjit të Pagave dhe se nuk janë në dijeni për vlerën e koeficientit.

“Federata e Sindikatave të Shëndetësisë së Kosovës i bën apel Qeverisë së Republikës së Kosovës që sa më parë të publikojë draft-Ligjin e Pagave dhe vlerën e koeficientit me qëllim të shmangies së keqkuptimeve të cilat mund ta dëmtojnë këtë proces”.

“FSShK i siguron të gjithë punëtorët shëndetësor se në asnjë moment nuk do të pranojnë asnjë draft e asnjë koeficient që mund të shkoj në dëm të punëtorëve shëndetësor”.

“Në fund thirrje publike Qeverisë së Republikës së Kosovës, është momenti i fundit që të reflektoni në mënyrë të sinqertë dhe transparente, përndryshe,trazirat sociale janë të pashmangshme”, thuhet në njoftimin e FSShK-së.