Gjashtë anëtarë të rinj të Këshillit Prokurorial të Kosovës të cilët vijnë nga radhët e prokurorive themelore kanë dhënë sot betimin.
Në këtë mbledhje, siç bëhet e ditur përmes një komunikate për media, është hapur thirrja për nominime për kryesues dhe zëvendëskryesues të ri të KPK-së.
Lidhur me procedurat për nominim në pozitat e lartcekura, të gjithë anëtarët u njoftuan nga Kryeprokurori i Shtetit, Aleksandër Lumezi.
“Kryesuesi dhe Zëvendëskryesuesi i ri i Këshillit Prokurorial të Kosovës do të zgjidhen brenda afatit të caktuar me aktet ligjore”, thuhet në njoftim.