Haradinaj i përgjigjet deklaratave të Vuçiqit: Kosova do të jetë anëtare e NATO-s

Pas kërcënimeve nga Serbia për luftë diplomatike kundër Kosovës, ka reaguar ashpër ish-kryeministri i Kosovës, Ramush Haradinaj.

Përmes një reagimi në llogarinë e tij në Facebook, Haradinaj ka thënë se për shkak se Kosova ka mbetur me institucione në detyrë, Serbia iu është rikthyer kërcënimeve të saj të zakonshme kundër Kosovës, njofton Klan Kosova.

“Fqinji ynë agresiv po u kthehet kërcënimeve të tij të zakonshme kundër Shtetit tonë! Ai ndihet i fortë tani kur Kosova ka një Qeveri të shkarkuar dhe një President të dobët në detyrë. Ne kemi nevojë për një President i cili qëndron fortë për Kosovën dhe është i denjë të përballet me kundërshtarin agresiv, Serbinë”, ka shkruar Haradinaj.

Haradinaj ka thënë se Kosova do të anëtarësohet në NATO, që sipas tij, kjo do të ishte përgjigja më e mirë ndaj deklaratave luftënxitëse të Vuçiqit.

“Ndërsa e krijuam ushtrinë në kohën sa isha Kryeministër, një punë që ishte kundër bindjes së fqinjit tonë, në mandatin tim si president, Kosova do të bëhet pjesë e NATO-s! Ky është çelësi i sigurisë dhe i paqes në rajon dhe përgjigja më e mirë në deklaratat luftënxitëse të Vuçiqit!”, është shprehur Haradinaj.

LAJMET E FUNDIT:

Kosova është interes suprem i ShBA-së, ky është qëndrim zyrtar amerikan nga viti 1995

Testet laboratorike të Colgate tregojnë se pasta e dhëmbëve dhe larja e gojës inaktivizojnë 99.9% të virusit që shkakton COVID-19

Do të përfshiheni në një mosmarrëveshje me miqtë tuaj, bëni kujdes

Innovation Media

INFO