Kryetari i Aleancës për Ardhmërinë e Kosovës, Ramush Haradinaj, më anë të një postimi në Facebook i është drejtuar kryeministrit të vendit, Albin Kurtit, duke i kërkuar që të veprojë në plotësimin e pesë pikave të përcaktuara nga ai.

“1. Përfundojeni Strategjinë e Sigurisë së Republikës së Kosovës”

“2. Sillni në Kuvend amandamentet e Ligjit të FSK, me nenin për donacione”

“3. Sillni në Kuvend projektligjin për Fondin për Donacione për FSK”

“4. Rishikojeni vendimin tuaj për projektin e gazsjellësit amerikan dhe miratojeni të njëjtin, pasi që nuk është vetëm projekt ekonomik por edhe i sigurisë”

“5. Hiq dorë nga dialogu i teknikëve dhe përcaktohu në procesin e marrëveshjes finale për njohje reciproke në kufijtë ekzistues”, – ka shkuar Haradinaj,

Ish-kryeministri po ashtu shtoi se çdo hezitim e vonesë për të vepruar në këtë drejtim, është rrezikim i sigurisë së vendit, për çka do ta mbajnë përgjegjës kreun e ekzekutivit!