Kryeministri Kosovës Ramush Haradinaj thotë se është sulmuar padrejtësisht për lojërat e fatit dhe se  është keqkuptuar nga mediat për hapjen e këtyre lokaleve.

“I kisha hiq këto lojëra të fatit nga fshatrat dhe i kisha qit në zona industriale, sepse më herët kam qenë padrejtësisht objekt i mediave në lidhje me këtë çështje, më kanë sulmuar sinqerisht dua ta di pse. Unë nuk jam për një situatë kaotike në këtë treg, për një kaos, që këto me qenë gjithkund, me pengu shkollën, fëmijët e jetën. Ka plot vende në botë që kanë gjetur zgjidhje, i qojnë diku jashtë qytetit. Në këto lojëra shkojnë pasanikët. Por nuk është qëllimi as me i rrit këto, as me mbush Kosovën, as me i lënë me vazhduar kështu. Nuk po jap unë një paralajmërim si do të shkoj kjo. Por ne kemi interes me i largu këto biznese të tilla, sidomos jashtë fëmijëve,  jashtë njerëzve të zakonshëm. Nuk është treg i të gjithëve. Nuk shkon me lujt kazino, punëtori i arsimit, mësuesi e polici, apo dikush që e ka 300 euro rrogën. Këto janë vende ku shkojnë të pasurit. Te na ka pasur raste të rënda, probleme duhet me i dhënë një përgjigjej Kosova”, tha ai.