Kryetari i Lidhjes Demokratike të Kosovës, Isa Mustafa, ka përkujtuar veprimtarin Smajl Hajdaraj në 18 vjetorin e vrasjes së tij.
Mustafa e ka cilësuar ish-deputetin Hajdaraj si një prej figurave më të rëndësishme të LDK-së, njofton Klan Kosova.
Smajl Hajdaraj, komandanti i Ushtrisë Çlirimtare të Kosovës në zonën e Rugovës, luftoi me vendosmëri dhe trimëri kundër pushtuesit serb”.
“Ai gjatë gjithë jetës së tij, ishte i pathyeshëm si personalitet, aktivist i rrugës për liri dhe demokraci, dhe tregoi shembullin më të mirë të një njeriu që për brezat e ardhshëm do të mbetet model se si mbrohet dhe duhet atdheu”.
“Smajli u vra pabesisht, para hyrjes së banesës së tij në Pejë, siç duket rruga e drejtë dhe aktiviteti i tij prej atdhetari iu pengoi qarqeve anti-kombëtare duke ia ndalën në gjysmë rrugën e nisur për liri”.
“Lidhja Demokratike e Kosovës, në këtë përvjetor e përkujton më nder dhe krenari, Smajl Hajdarjn, dhe në të njëjtën kohë vazhdimisht kërkon nga organet e drejtësisë që të zbardhen të gjitha rastet e vrasjeve pas luftës të veprimtarëve të LDK-së, e po ashtu edhe rasti i Smajl Hajdarajt, dhe autorët e krimit të marrin dënimin e merituar”.