fbpx
Innovation Media informatat.com BETA
  • Home
  • Koronavirus
  • Lajme
  • Ekonomia
  • Sport
  • Showbiz
  • Tech & Inovacion
  • Energjia
  • Home
  • Koronavirus
  • Lajme
  • Ekonomia
  • Sport
  • Showbiz
  • Tech & Inovacion
  • Energjia
LAJMET E FUNDIT:
  • 19 January, 2021 16:16 Drecun flet për luftë në Ballkan: Prishtina dhe Tirana po punojnë për “Shqipërinë e Madhe”
  • 19 January, 2021 15:50 Vdiq djali i supermodeles Stephanie Seymour, në moshën 24-vjeçare
  • 19 January, 2021 15:45 Aksioni i Doganës në Prishtinë, sekuestrohen barna të kontrabanduara
  • 19 January, 2021 15:41 Ankohet KQZ: Aplikuesit jashtë Kosovës po i dërgojnë aplikimet e njëjta në tri adresa
  • 19 January, 2021 15:23 Zjarri në arkivën e stacionit në Drenas, IPK rekomandon suspendimin e tre punonjësve të Policisë
  • 19 January, 2021 15:18 Haradinaj ia kthen Vuçiqit: Mos keni frikë, Kosova vetëm po e kërkon atë që i takon
  • 19 January, 2021 15:09 19-vjeçarja tërhiqet nga lista e AAK’së për deputete
  • 19 January, 2021 14:59 Romeo Beckham debuton në ballinën e revistës prestigjioze “L’Uomo Vogue”
  • 19 January, 2021 14:57 Ndryshimi drastik i Dhurata Dorës, mezi njihet në fotot e para disa vitesh
  • 19 January, 2021 14:43 Agim Çeku flet pasi u shpall i pafajshëm në rastin e veteranëve
Innovation Media informatat.com BETA
  • Home
  • Koronavirus
  • Lajme
  • Ekonomia
  • Sport
  • Showbiz
  • Tech & Inovacion
  • Energjia
  • Home
  • Koronavirus
  • Lajme
  • Ekonomia
  • Sport
  • Showbiz
  • Tech & Inovacion
  • Energjia
Ismaili reagon pas vendimit të sotëm të Zemajt për barnat: Kjo është fitore e rrjeteve kriminale
5 August, 2020

Sekretari i Përgjithshëm i PDK-së, Uran Ismaili ka reaguar pas vendimit të Ministrit të Shëndetësisë, Armend Zemaj, rreth çmimit të barnave në Kosovë.

Në një konferencë për media, Ismaili ka thënë se ky akt e rikthen krimin në shëndetësi, u shërben disa individëve dhe e varfëron popullin.

“Anulimi një herë, e pezullimi tash, i Udhëzimit që rregullon dhe ulë çmimet e barnave, është fitore e interesave të grupeve kriminale që dëshirojnë të pasurohen në kurriz të shëndetit të qytetarëve. Është kthim prapa në shëndetësi, është varfërim i qytetarit dhe është pajtim që paratë e taksapagueseve të mos investohen, por të keqpërdoren”, ka thënë Ismaili.

Ndryshe, Ministri i Shëndetësisë, Armend Zemaj pas presionit që iu bë ka anuluar vendimin që mori dje për shfuqizimin e Udhëzimit Administrativ për rregullimin e çmimit të produkteve dhe pajisjeve medicinale.

Lajmin e ka bërë të ditur Ministria e Shëndetësisë, përmes një njoftimi në faqen zyrtare.

Ky vendim i Zemajt vjen pas takimit që ka pasur me përfaqësues të Odës së Farmacistëve të Kosovës, të Shoqatës Farmaceutike të Kosovës, të Shoqatës së Distributorëve Farmaceutikë të Kosovës dhe zyrtarë të tjera nga komuniteti farmaceutik

“Pas këtij takimi, Ministri Zemaj ka anuluar vendimin e datës 04. 08. 2020, me të cilin është shfuqizuar Udhëzimi Administrativ 02/2019 për rregullimin e çmimit të produkteve dhe pajisjeve medicinale dhe ka nxjerr vendim me të cilin ka obliguar Sekretarin e Përgjithshëm të MSh-së që të ndërmarr veprime për plotësim – ndryshimin e Udhëzimit Administrativ 02/2019 për rregullimin e çmimit të produkteve dhe pajisjeve medicinale”, thuhet në njoftim./Gazeta Express

Deklarata e plotë e Ismailit:

Sot jam këtu, që me shqetësim të madh, ta ngre zërin për një temë që është e të gjithëve, pa marrë parasysh bindjet politike.

Jam këtu për një çështje tronditëse – që duhet të na mobilizojë të gjithëve.

Ministri Armend Zemaj dje i ka dhënë hapësirë krimit dhe korrupsionit në shëndetësi, duke e shfuqizuar Udhëzimin Administrativ për rregullimin dhe unifikimin e çmimit të barnave.

Me këtë vendim, ai ka goditur një nga reformat më të mëdha në historinë e shëndetësisë dhe ka ri-legalizuar krimin.

Pas presionit publik, Zemaj ka shfuqizuar sot vendimin e djeshëm të tij, duke krijuar një ekip të ri për ta ndryshuar këtë Udhëzim, i cili ishte hartuar me ekspertë ndërkombëtarë dhe nën mbikëqyrjen e Organizatës Botërore të Shëndetësisë.

Krijimi i një ekipi të ri është vetëm një blerje kohe, e cila do të mund të shfrytëzohet nga kompanitë për abuzim me çmimet e barnave.

Ky manipulim do t’u kushtojë qytetarëve tanë, të cilët do të vazhdojnë të blejnë barna me çmime më të shtrenjta se qytetarët e shteteve përreth.

Anulimi një herë, e pezullimi tash, i Udhëzimit që rregullon dhe ulë çmimet e barnave, është fitore e interesave të grupeve kriminale që dëshirojnë të pasurohen në kurriz të shëndetit të qytetarëve.

Është kthim prapa në shëndetësi, është varfërim i qytetarit dhe është pajtim që paratë e taksapagueseve të mos investohen, por të keqpërdoren.

Një ndër pengesat më të mëdha të zhvillimit të shëndetësisë ka qenë korrupsioni masiv në blerjen e barnave, që i ka pasuruar disa, por e ka varfëruar popullin.

Për 20 vjet me radhë, Kosova ka blerë mbi 6 milionë euro më shtrenjtë barna spitalore brenda vitit, ndërsa qytetarët janë dëmtuar financiarisht duke shpenzuar nëpër barnatore rreth 10 milionë euro më shumë për barna në vit.

Për kohë të gjatë, paraja publike është keq-shfrytëzuar. Barnat që kanë mundur të blihen me 3 euro, janë blerë me 30 euro.

Për kohë të gjatë, miliona euro u janë dhënë kompanive, të cilat nuk kanë pasur për qëllim ofrimin e produkteve më cilësore me çmime më të lira, por pasurimin brenda natës dhe marrjen e kontratave milionëshe.

Ky rrjet kriminal ka qenë dhe mbetet ende rrezik i sektorit të shëndetësisë dhe plaçkitës i parasë publike.

Nëse paratë e taksave tona nuk shkojnë në investimin dhe përmirësimin e sektorit të shëndetësisë, por në xhepat e individëve dhe kompanive të caktuara, atëherë jemi të dënuar të kemi shëndetësinë më të dobët, e rrjetin kriminal më të fortë.

Nëse nuk i ndalet rruga korrupsionit, nuk do të ketë shëndetësi të zhvilluar, shërbime më të mira profesionale, aparatura të reja dhe barna të mjaftueshme nëpër spitale.

Kjo ishte bindja ime sa isha Ministër i Shëndetësisë dhe mbi këtë vizion kam zhvilluar për dy vjet një betejë shumë të vështirë për ta nënshkruar Udhëzimin Administrativ që i rregullon dhe ulë çmimet e barnave.

Kam punuar pa u ndalur, bashkë me Organizatën Botërore të Shëndetësisë, për ta krijuar bazën ligjore që qytetarët tanë të mos paguajnë çmime shumëfish më të larta për barnat e njëjta.

Për 20 vjet, qytetarët tanë kanë blerë barna më të shtrenjta në barnatoret e Kosovës sesa qytetarët në Maqedoni dhe në Shqipëri.

Për 20 vjet, qytetarët tanë kanë blerë barna paradite me një çmim tjetër, e në mbrëmje – kur kanë qenë në hall – me një çmim tjetër.

Me një çmim tjetër në fshat, me një çmim tjetër në qytet.

Me çmime të ndryshme në lagje të ndryshme.

Udhëzimi Administrativ, të cilin unë e kam nënshkruar në vitin 2019, e të cilin Ministri Zemaj e anuloi dje dhe e pezulloi sot për blerje kohe, ndalonte abuzimin me çmimet e barnave – duke ndaluar këdo që ofertonte çmime më të larta se në treg dhe vendoste rregullin për t’i ulur dhe nivelizuar çmimet nëpër të gjitha barnatoret e Kosovës.

Para se ta nënshkruaja këtë Udhëzimin, Kosova dhe Bjellorusia ishin vendet e vetme në Evropë që nuk i kishin të rregulluara çmimet e barnave.

Pra, ishim pikë e zezë në hartën e Evropës.

Ky Udhëzim ishte në kundërshtim me interesin e një pakice, por në interes të shumicës.

Ky Udhëzim që ndihmoi në ndaljen e korrupsionit në Ministrinë e Shëndetësisë, ka ruajtur xhepin e qytetarëve dhe ka kthyer dinjitetin e farmacistëve tanë.

Prandaj, sjellja e Ministrit Zemaj ndaj këtij Udhëzimi është një fitore e rrjeteve kriminale dhe e grupeve të interesit.

Kërkoj nga Qeveria që urgjentisht ta jetësojë Udhëzimin Administrativ, të nënshkruar në vitin 2019, e të mos lejohet të shfrytëzohet pandemia për t’i dhënë krahë krimit.

Është për t’u përshëndetur reagimi i qytetarëve dhe mediave, organizatave joqeveritare dhe odave profesionale.

Është në interesin e qytetarëve që ky reagim të vazhdojë deri në reflektimin e Ministrit Zemaj për të mos lejuar varfërimin e qytetarëve duke blerë barna me çmime shumëfish më të shtrenjta.

« Previous Post
Next Post »
Opinione
Kosova është interes suprem i ShBA-së, ky është qëndrim zyrtar amerikan nga viti 1995
25 December, 2020 19:02

Kosova është interes suprem i ShBA-së, ky është qëndrim zyrtar amerikan nga viti 1995

Testet laboratorike të Colgate tregojnë se pasta e dhëmbëve dhe larja e gojës inaktivizojnë 99.9%  të virusit që shkakton COVID-19
17 December, 2020 21:58

Testet laboratorike të Colgate tregojnë se pasta e dhëmbëve dhe larja e gojës inaktivizojnë 99.9% të virusit që shkakton COVID-19

Lifestyle
Tajlanda iu shërben kanabis klientëve të lumtur në kuzhinën e spitalit
19 January, 2021

Tajlanda iu shërben kanabis klientëve të lumtur në kuzhinën e spitalit

Buka dhe sallatat nuk janë pjatat e zakonshme në një meny të një restoranti në Tajlandë. Aty shërbehet edhe kanabis

Lajmet e fundit
  • Rrjeti i supermarketeve në ShBA u ofron para punëtorëve që vaksinohen 19 January, 2021
  • Drecun flet për luftë në Ballkan: Prishtina dhe Tirana po punojnë për “Shqipërinë e Madhe” 19 January, 2021
  • Zhvilluesi i vaksinës anti-COVID në Indi rekomandon disa kategori ta evitojnë këtë vaksinë 19 January, 2021
  • Nëntë të vdekur dhe 294 raste me COVID-19 në 24 orët e fundit në Kosovë 19 January, 2021
  • Tajlanda iu shërben kanabis klientëve të lumtur në kuzhinën e spitalit 19 January, 2021
Innovation Media

informatat.com Mirëmbahet dhe menaxhohet nga Innovation Media Shpk. Të gjitha Lajmet janë të mbrojtura me copyright të Innovation Media © 2018 WEB!

INFO

[email protected]
rap[email protected]
[email protected]
www.instagram.com/informatat
www.facebook.com/informatat

informatat.com - +383 45 306 308
Impresum
Scroll to top