Reperi i njohur amerikan, Kanye West, është spikatur nga paparacit në Los Angeles, për herë të parë pas lajmeve se bashkëshortja e tij, Kim Kardashian, tashmë ka kontaktuar me avokatët e saj rreth shkurorëzimit nga reperi i famshëm.
Ylli 43-vjeçar i muzikës u fotografua duke zbritur nga një aeroplan privat në aeroportin “Van Nuys” në Los Angeles, me të ateruar nga Wyoming ku ka jetuar këto javët e fundit, në fermën e tij 14 milionë dollarësh.
Burime të afërta të dyshes së njohur të showbizit, kishin deklaruar se Kanye nuk kishte plane për t’u rikthyer në L.A., ku gruaja e tij Kim po jeton me katër fëmijët e çiftit, North, Saint, Chicago dhe Psalm. Por siç duket reperi ka ndërruar mendim.
Siç parashikohej, West dukej serioz teksa zbriste shkallët e avionit privat, i veshur me një bluzë sportive ngjyrë të verdhë dhe pantalona kafe të lëkurës, derisa për mbathje natyrisht se kishte zgjedhur një palë atlete të maskës së tij “Yeezy”.
Në fillim të muajit janar u raportua se ylli i shout “Keeping Up With The Kardashians”, tashmë ka kontaktuar me avokaten e famshme të shkurorëzimeve, Laura Wasser, për t’i filluar procedurat e negociatave me avokatët e reperit.
Besohet se deri më tani gjërat kanë ecur mirë, por ka pasur mospajtime mbi pronësinë e shtëpisë së çiftit 60 milionë dollarësh në Calabasas, ku aktualisht ylli televiziv 40-vjeçar dhe familja e saj po jetojnë.
Kim po shpreson që ata do të mund të arrijnë marrëveshje para se të bëjnë kërkesë zyrtare për shkurorëzim në gjykatë, çka do të thotë se ajo dhe Kanye mund t’i menaxhojnë financat e tyre personale, si dhe mund të vendosin si duan t’i ndajnë pronat e tyre.
Besohet se West është acaruar për faktin se shkurorëzimi i tij nga Kardashian, do të jetë temë kryesore në sezonin e final të shout televiziv “Keeping Up With The Kardashians”.
Një burim i afërt i familjes Kardashian/Jenner ka bërë të ditur se emisioni shumë i ndjekur, do të përfundojë në mënyrë eksplozive, dhe se problemet martesore të Kimit do të jenë në qendër të tij.
+ 5