Deputeti njëherit , pronar i kompanisë “ETC”, Ramiz Kelmendi, ka reaguar pas vendimit që dje ka marrë bordi i Agjencisë Kosovare të Privatizimit (AKP) , ku është dënuar në vlerë prej 1.3 milion euro, shqiptuar nga Bordi i AKP-së për mospërmbushjen e obligimeve kontraktuale për “Neë Co Famipa” e privatizuar në vitin 2011-të. Ai nëpërmjet një shkrimi në “Facebook”, ka numëruar kushtet me të cilat në atë kohë e ka privatizuar ndërmarrjen nga AKP-ja.
Ky është postimi i tij i plotë:
“Të nderuar qytetarë, koleg deputet, Kryetar i Parlamentit dhe kabinet qeveritar. Dje u informova nga mjetet e informimit për një dënim në vlerë prej 1.3 milion euro, shqiptuar nga Bordi i AKP-së për mospërmbushjen e obligimeve kontraktuale për “Neë Co Famipa” e privatizuar me datën 13. 09. 2011 e cila ka pasur tre kushte qenësore për punë me këtë Kompani;
- Mirëvajtje e procesit prodhues të veprimtarisë së njëjtë
- Mos lëvizjen e asnjë makine nga pozicioni
- Punësimin e punëtorëve sipas nevojës teknologjike dhe
prodhuese
* Afati për këtë përmbushje të këtyre kritereve ka qenë 3
vjet apo deri më 13.11.2014.
* Vendimi është sjellë më 27.06.2018, pra 4 vite pas skadimit
të kontratës.
* Blerja ka qenë në vlerë prej 3.9 milion euro, me kredi bankare prej 8.5%.
* Teknologjia, e viteve 80’ta
* Punëtorët, të moshës mbi 60 vjeçare.
* Ekspert të ri për këtë proces nuk ka pasur në tregun vendor.
* Repromaterjali në të kaluarën ka qenë nga “Trepça”, argjendi dhe
Kallaj.
• Repromaterjali tani, vetëm nga importi.
Andaj konsideroj se me presionet dhe shantazhet e vazhdueshme që më bëhen nga këto organe të kontrolluara dhe nga inspektimet e vazhdueshme dhe dënimet që më shqiptohen vetëm mua, si deputet dhe pronar, (edhe pse ligji përcakton qartë se dënimi shkon tek mos kryesi i detyrave dhe përgjegjësi i autorizuar), kjo gjithnjë po ndodhë për të amortizuar figurën dhe suksesin tim polik dhe ekonomik.
Ramiz Kelmendi – Deputet i Kuvendit të Republikës së Kosovës