Kompania Rajonale e Ujësjellësit “Prishtina” sh.a., njofton për zonat që do mbesin pa furnizim me ujë të pijshëm gjatë ditës së sotme, duke filluar nga ora 10:00-17:00.

Ekipet teknike gjatë ditës së sotme do të intervenojnë në rrjet, në një pusetë ( në ujëmatës zonal) në lagjen” Tophane ” në Prishtinë.

“Si rrjedhojë e këtij intervenimi pa ujë të pijshëm duke filluar nga ora 10:00-17:00 do të mbesin: Një pjesë e lagjes Tophane, rruga” Lidhja e Prizrenit”, rruga” Lidhja e Lezhës”, rruga” Sami Plakolli” ,rruga” Ilir Konushevci” dhe disa rrugica në afërsi të zonave. Ju falënderojmë për mirëkuptim dhe gjithçka po realizohet në përmirësim të shërbimeve infrastrukturës ujore”, thuhet në njoftim.