Në 24 orët e fundt në Kosovë edhe 3 persona kanë vdekur si pasojë e virusit COVID-19.
Viktima më e re është një 42 vjeçar nga Prishtina.
Nga kjo komunë po ashtu ka vdekur edhe një 86 vjeçar.
“Brenda 24 orëve janë raportuar 3 raste të vdekjes me SARS CoV-2 pozitiv. Rastet e vdekjes janë nga komunat: Prishtinë 2 raste (42, 86 vjeç) dhe Vushtrri 1 rast (76 vjeç)”, është bërë e ditur nga Instituti Kombëtar i Shëndetit Publik.
Gjatë kësaj kohe janë raportuar edhe 249 raste të reja të infektuara me koronavirus, ndërsa janë shëruar 316 persona.
Rastet pozitive janë nga komunat: Prishtinë 116 raste, Prizren 44 raste, Podujevë 12 raste, Ferizaj 11 raste, Fushë-Kosovë 9 raste, Gjilan 9 raste, Lipjan 8 raste, Pejë 7 raste, Deçan 6 raste, Skenderaj 5 raste, Gjakovë 4 raste, Suharekë 3 raste, Vushtrri 3 raste, Drenas 2 raste, Kaçanik 2 raste, Rahovec 2 raste dhe me nga një rast komunat Dragash, Graçanicë, Istog, Kamenicë, Shtime dhe Viti./