Wladimir Klitschko, i cili është anëtar i forcave të mbrojtjes territoriale të Ukrainës, ish-kampion i boksit dhe vëllai i kryetarit të Kievit, ka thënë  se trupat ruse kanë sulmuar zona në të gjithë vendin ukrainas, ku sipas tij, objektiv kryesor është pikërisht kryeqyteti.

Klitschko tha se rusët po rigrupohen, dhe po përpiqen të gjejnë strategji të ndryshme, rrugën dhe kohën e duhur për ta sulmuar Kievin.

Kështu që çdo orë ka rëndësi, pastaj ne presin një sulm në kryeqytet në çdo moment, veçanërisht, siç thashë, ditët në vijim. Objektivi i tyre është kryeqyteti”, tha Klitschko, shkruan CNN, transmeton Klankosova.tv

Ai tha se vullneti i popullit ukrainas mbetet i fortë, por ata kanë nevojë për mbështetje, teksa kërkoi mbështetje ndërkombëtare dhe izolim për vetë Rusinë dhe ekonominë e saj.

“Ne kemi shumë pajisje ushtarake dhe do të bëjmë gjithçka që është e mundur, ne po përpiqemi të tejkalojmë ushtrinë ruse sa më shumë që të mundemi. Nuk e di sa do të durojmë, por ne do të qëndrojmë për aq kohë sa të mundemi. Ajo që është me të vërtetë e nevojshme është mbështetja ndërkombëtare. Ju duhet të izoloni Rusinë dhe ekonominë ruse”, tha Klitschko, përcjell Klankosova.tv.

Klitschko më tej tha se bota perëndimore dhe aleatët e Ukrainës duhet të veprojnë tani, sepse sipas tij, s’mund të presin me javë apo muaj, sepse siç tha ai, bëhet fjalë për minuta.

“Ne kemi nevojë për mbështetje – financiare, humanitare, pajisje ushtarake. Ne do të kujdesemi për veten, na besoni”, shtoi ai.

Kujtojmë se luftimet në Ukrainë kanë filluar që nga 24 shkurti, kur forcat ruse nisën sulmet ndaj ushtrisë dhe popullatës civile ukrainase.