Ambasadori amerikan në Kosovë, Philip Kosnett ka thënë se bashkë me Kosovën nderon viktimat e masakrës së Reçakut, 22 vjet pas ndodhisë që tronditi botën.

Kosnett përmes një shkrimi në Twitter ka thënë se SHBA-ja është e përkushtuar që të vihet drejtësi për familjet e viktimave dhe për më të dashurit e tyre.

“Sot jemi me Kosovën për të nderuar viktimat e masakrës së Reçakut dhe rikonfirmojmë përkushtimin tonë për të garantuar drejtësi për familjet e viktimave dhe më të dashurit e tyre”, ka shkruar Kosnett.