Presidenti francez Emmanuel Macron tha se është “dëshira e tij” për të parë një bllokim total të eksporteve ruse të qymyrit dhe naftës në Bashkimin Evropian “këtë javë”, pas sulmeve që ai e përshkroi si “krime lufte” në qytetin ukrainas, Bucha, shkruan CNN.

Macron tha se ka “shenja shumë të qarta” se krimet e luftës janë kryer në Bucha dhe, “është mjaft e vërtetuar se është ushtria ruse” ajo që është përgjegjëse për to.

“Nuk mund ta lëmë të rrëshqasë. Ne duhet të kemi sanksione që të dekurajojnë me atë që ka ndodhur atje (në Bucha), atë që po ndodh në Mariupol, “tha ai.

Macron shtoi se do të kishte diskutime me partnerët e tij evropianë këtë javë në lidhje me sanksionet e mëtejshme.

“Ata që qëndrojnë pas këtyre krimeve duhet të përgjigjen për to. Ne duhet të dërgojmë sinjalin shumë të qartë se është dinjiteti ynë kolektiv dhe janë vlerat tona që ne mbrojmë. Nuk ka paqe pa drejtësi”, deklaroi presidenti francez.

Franca është e gatshme të ndihmojë Ukrainën në hetimin e saj të ngjarjeve në Bucha, tha Macron, megjithatë ai refuzoi të deklarojë nëse presidenti rus Vladimir Putin duhet të përballet me drejtësinë për atë që ndodhi atje.