Kryeministri Albin Kurti po merr pjesë në seancën plenare të Kuvendit, ku po diskutohet për rezolutën që dënon agresionin e Rusisë ndaj Ukrainës.

Kurti foli për Fondacionin e themluar për Siguri, ku i bëri thirrje edhe njëherë qytetarëve që të kontribuojnë.

“Kemi ngritur mobilizim dhe kemi shtuar kujdesin duke themeluar Fondin e Sigurisë, me ç’rast ftoj të gjithë qytetarët tanë kudo që janë që të kontribuojnë me aq sa munden

“U bëjmë thirrje 5 shteteve mosnjohëse që të njohin këtë realitet, duke njohur urgjentisht pavarësinë e Kosovës, në mënyrë që të mos lejohet përdorimi i preteksteve false dhe analogjive të paqëndrueshme për të nxitur ndarje e konflikte në Evropë”, u shpreh Kurti në foltoren e Kuvendit, përcjell Klankosova.tv.

“Në dritën e këtij agresioni duhet kuptuar se mosnjohja e pavarësisë së Kosovës përbën cenim për sigurinë e kontinentit evropian”.

“Pavarësia e Kosovës është një rast që merr parasysh padrejtësinë shekullore, okupimin, luftën dhe gjenocidin e Serbisë mbi popullin tonë, është në përputhje me të drejtën e popullit tonë për vetëvendosje, dhe siç është vendosur në Gjykatën Ndërkombëtare të Drejtësisë, në përputhje me të drejtën ndërkombëtare”, tha kryeministri.

Tutje Kurti tha se do të përshpejtojnë procesin e aplikimit për anëtarësim në Bashkimin Evropian, si dhe për anëtarësim në Këshill të Evropës dhe mekanizma tjerë ndërkombëtar.

“Njëkohësisht do të kërkojmë që Kosova të bëhet sa më shpejt anëtare e NATO-s, duke filluar së pari me partneritetin për paqe”, tha shefi i Qeverisë.