Lituania e ka treguar sot një dron ushtarak të prodhuar nga Turqia, të cilin planifikon ta dërgojë në Ukrainë për të ndihmuar në luftën kundër Rusisë.

“Kjo armë do të dërgohet në Ukrainë menjëherë pasi të jetë paraqitur në publik”, tha ministri lituanez i Mbrojtjes, Arvydas Anusauskas, në një konferencë për media në bazën ajrore veriore të shtetit baltik në Siauliai.

Lituanezët mblodhën 5.9 milionë euro gjatë tre ditëve për të blerë dronin për Ukrainën.

Një pjesë e fondeve u përdor më pas për pajisjen e dronit, ndërsa pjesa tjetër iu dedikua financimit të ndihmës humanitare për Ukrainën, shkruan Euronews.