Telenovela “Arkadiusz Milik” më në fund ka përfunduar. Sulmuesi polak, në fakt, do të zbarkojë në Francë në orët e ardhshme për të filluar aventurën e re të futbollit në Marsejë.

Gjatë natës, mosmarrëveshjet e fundit ranë poshtë, duke pasur parasysh që para finales së Superkupës Italiane midis Juves dhe Napolit, drejtori blu, Giuntoli, kishte deklaruar se ende mbeten disa gjëra për t’u rregulluar.

Sulmuesi polak është larguar nga Napoli që në mëngjes për te Marseja, ku Villas Boas po e pret. Presidenti De Laurentiis ka rënë dakord të heqë dorë nga proceset gjyqësore të ngritura kundër lojtarit, duke i dhënë kështu dritën jeshile transferimit.

Para se të fluturonte për në Francë, megjithatë, Milik u desh të zgjasë kontratën e tij me blutë (pritej të skadonte në qershor) deri në vitin 2022.

Sulmuesi i lindur në vitin 1994, në fakt, do të transferohet te Marseja me formulën e huazimit. Një operacion me vlerë 8 milionë euro, plus 4 milionë bonuse të tjera, të cilave do t’u shtohet 20% e çdo rishitjeje të ardhshme të sulmuesit, që do të paguhet në arkat e Napolit.

Pas Romës dhe Napolit, ndër të tjera, Milik gjeti shtëpinë e tij të re: në Francë, te Marseja.