Veton Berisha, deputeti egjiptian, ka bërë të ditur se do të takohen me kryetarin e Vetëvendosjes, Albin Kurti, për koordinim për votimin e Qeverisë në seancën e sotme të Kuvendit të Kosovës.
“Do të kemi takim tani me Kurtin për të koordinuar për votimin e Qeverisë. Në parim e votojmë por e kërkojmë Ministrinë e 13-të”, ka thënë ai.
Seanca plenare për votimin e qeverisë së re të Kosovës pritet të nisë në orën 11:00.
VV-ja e LDK-ja të dielën zyrtarizuan marrëveshjen për bashkëqeverisja. Partitë bënë të ditur se qeveria e re do të ketë 15 ministri, 12 nga të cilat do të jenë për VV-në e LDK-në, e tri për minoritetet.