Kandidatja për deputete nga radhët e PDK-së, Ganimete Musliu, e ka ofenduar rëndë kreun e Lëvizjes Vetëvendosje, Albin Kurtin, pas vizitës së tij në Skënderaj.
Përmes një postimi në Facebook, Musliu ka thënë që kush hyn në Drenicë me njësi speciale, sipas saj, mund të synojë gjithçka por kurrë jo fitimin e besimit të drenicasve.
Sipas Musliut, për të shkuar në Drenicë duhet të frikësohen vetëm kriminelët e Serbisë.
“Kush hyn në Drenicë me njësi speciale, mundet të synoj gjithëçka por kurrë jo fitimin e besimit të drenicasëve. Albin mos u tut me ardhë në Drenicë. Në Drenicë duhet të tuten vetëm kriminelët e Serbisë.
“Ti nëse e konsideron vetën shqiptar s‘ke nevojë me u tutë nga Drenicasit. Ankthi që ti duhet ta kesh nga kjo trevë është një JO e madhe me 14 shkurt 2021. Kjo JO është shigjeta e vetme që do të t‘godasi ty more qyreavec i Facebookut”, shtoi tutje.
Postimi i plotë:
Albin Kurti nuk kursen asnje mjet per të arritur ne pushtet. Sjellja e tij në Skenderaj është vetëm fillimi sepse ky psikopat nuk kursen as jetën e njeriut për spektaklet e tij politike.
Albin po të mungojnë vetëm edhe martirët e tu elektoral.Albin sjelljet tua tregojnë se të ka kapë paniku nga sovrani.
Pdk nuk ka mbjellur urrejtje ndaj asnje partie politike ne Drenicë. PDK ka arritë të mbajë në anën e saj votuesin e Drenicës. Nuk është e vërtetë që LDK është rezervuar nga fushatat ne Skenderaj por është tërhjekë fare kur e ka kuptuar që nuk ka votues. Njejtë qendron puna edhe me VV. Albini e shfrytëzon dështimin e tij në Skenderaj për spektakël por rezultatin do ta këtë debakël.
Albini e din që Drenica as nuk blihet as nuk shantazhohet. Albini ofendoi Drenicën por meqenëse Drenica është Drenicë Albinit do t‘i hakmerret në mëmyrë demokratike me 14.2.2021.
Kush hyn në Drenicë me njësi speciale, mundet të synoj gjithçka por kurrë jo fitimin e besimit të drenicasve.
Albin mos u tut me ardhë në Drenicë. Në Drenicë duhet të tuten vetëm kriminelët e Serbisë.
Ti nëse e konsideron vetën shqiptar s‘ke nevojë me u tutë nga Drenicasit. Ankthi që ti duhet ta kesh nga kjo trevë është një JO e madhe me 14 shkurt 2021. Kjo JO është shigjeta e vetme që do të t‘godasi ty more qyreavec i Facebookut.