Sonte do të nisë faza e “play-offit” të Kampionatit Botëror 2022.

Në gjysmëfinale gjenden disa Kombëtare të mëdha, mbi të gjitha ish-kampioni dhe kampioni aktual evropian, Portugalia dhe Italia.

Janë tri vende të lira për në “Katar 2022” që iu takojnë Kombëtareve evropiane, shkruan “Gazeta Express”.

“Azzurri” do të kenë punë me shqiptarët e Maqedonisë së Veriut, në ndeshjen që do të fillojë në orën 20:45.

Kurse, dueli tjetër ndërmjet Portugalisë dhe Turqisë pritet të jetë i zjarrtë.

Edhe kjo ndeshje do të fillojë në orën 20:45.

E fituesi i tyre do të përballet në finale të “play-offit”.

Fatkeqësisht, Cristiano Ronaldo ose yjet e Italisë do të mbesin jashtë Botërorit, i cili do të mbahet në pjesën e dytë të këtij viti.

Ndërkaq, pasi Rusia u përjashtua nga garat, Polonia shkoi drejt në finale.

Robert Lewandowski me shokë në finalen e 29 marsit do ta presin fituesin e duelit të sontëm gjysmëfinal, Suedia – Republika Çeke.

Edhe Gareth Bale me Uellsin do ta kërkojnë finalen pasi të përballen sonte me Austrinë, shkruan “Gazeta Express”.

E fituesi i këtij dueli do të luajë në finale me Skocinë ose me Ukrainën, ndeshje kjo e shtyrë shkaku i luftës në Ukrainë.

Dy prej tri finaleve do të luhen të martën e 29 marsit.

Të gjitha ndeshjet e sontme do të fillojnë në orën 20:45.