Partia Demokratike e Kosovës (PDK), ka mbajtur sot tubimin përmbyllës në Prishtinë, ku u panë të pranishëm edhe familja e Kadri Veselit ish kryetarit të këtij subjekti dhe Hashim Thaçit, ish presidentit të Kosovës.

Kandidati për kryeminstër nga PDK-ja, Enver Hoxhaj, në këtë tubim ka thënë se  ky subjekt të dielën do të shkruajë një faqe të re të historisë, me fitoren e saj.

Në këtë tubim, ku morën pjesë mijëra simpatizantë të PDK-së, të pranishëm ishin edhe familja e Kadri Veselit dhe Hashim Thacit.

Aty, u panë, bashkëshortja e Kadri Veselit, Violeta dhe djali i tij, Klestori. Bashkë me ta, ishin edhe bashkëshortja e Hashim Thaçit, Lumnie Thaci dhe djali i rij Endrit Thaçi.