Një 3 vjeçare ka humbur jetën sot në lagjen ‘Iliriadë’ në Mitrovicë.

Vogëlushja ka ndërruar jetë si pasojë e zënies nga dyert e oborrit të shtëpisë.

 

 

Rastin për Indeksonline e ka konfirmuar edhe zëdhënësi i policisë, Avni Zaiti.

“Bëhet fjalë për një vogëlushe 3 vjeçare. Ngjarja ka ndodhur rreth orës 16:00, në rrugën Gani Hajra, ose në  lagjen “Iliriadë” në Mitrovicë. Një 3 vjeçare ka humbur jetën si pasojë e zënies nga dyert e oborrit të saj”, ka thënë Zaiti.

Gjithashtu në këtë rast e lënduar ka mbetur edhe një vajzë tjetër, 5 vjeçare e cila raportohet të jetë jashtë rrezikut për jetë.

“Policia dhe Prokuroria janë në vendin e ngjarjes dhe sipas rrethanave, rasti është vlerësuar si shkaktim i rrezikut të përgjithshëm me pasoja fatale. Pra konsiderohet se dyert  nuk kanë qenë të siguruara mirë.Gjatë kësaj kohe familjarët kanë qenë në shtëpi, pasi ishin ata që kanë lajmëruar policinë për rasti”,ka përfunduar Zaiti.