Një grua nga Virxhinia Perëndimore është zgjuar nga koma pas dy vjetësh dhe ka identifikuar vëllain e saj si sulmuesin e saj, sipas policisë.
Sipas mediave të huaja, përcjell Telegrafi, Wanda Palmer, 51 vjeçe, akuzoi vëllanë e saj se e kishte sulmuar atë në rezidencën e saj pranë Cottageville, Virxhinia Perëndimore, në qershor të vitit 2020.
Policia tha se Palmer ishte “sulmuar dhe u la për të vdekur”, sipas një deklarate të postuar nga Departamenti i Sherifit të Qarkut Jackson.
Policia thotë se e gjeti Palmerin në një “pozicion të drejtë” në divanin e saj me lëndime të rënda të shkaktuara nga ajo që dukej të ishte një sëpatë.
Sherifi i Jackson, Ross Mellinger i tha CNN se kur policia mbërriti, ata menduan se ajo kishte vdekur, por e kuptuan menjëherë pasi ajo ishte ende gjallë dhe merrte frymë cekët.
Policia nuk e gjeti kurrë armën, tha Mellinger.
BREAKING:Jackson Co. deputies have arrested Daniel Palmer for the attempted murder of his sister, Wanda Palmer, 2 years ago. Wanda has been in a coma since the brutal attack nearly killed her. Sheriff tells me she was able to recently identify her attacker & arrest was made today pic.twitter.com/8yd4POSC1r
— Leslie Rubin (@LeslieRubinWCHS) July 15, 2022
Ndërkohë një dëshmitar raportoi se kishte parë vëllain e Palmer, Danielin, në verandën e saj rreth mesnatës një natë përpara se ajo të zbulohej, tha Mellinger.
Nuk kishte të dhëna telefonike, pamje të mbikëqyrjes ose dëshmitarë okularë jashtë shtëpisë së Palmerit, tha sherifi.
Policia hetoi disa persona, por nuk mundi kurrë të ngrinte akuza.
Dhe disa javë më parë, tha Mellinger, zyra e tij mori një telefonatë nga institucioni i kujdesit të Palmer duke thënë se ajo ishte në gjendje të fliste me autoritetet.
Palmer ishte në gjendje t’u përgjigjej vetëm pyetjeve po ose jo, por dha dëshmi të mjaftueshme për policinë për të arrestuar Danielin, tha Mellinger për CNN.
Daniel Palmer III, 55 vjeç, u arrestua dhe u akuzua për tentativë vrasje dhe plagosje me qëllim të keq të premten, sipas të dhënave të arrestimit të siguruara nga CNN.
Sipas autoriteteve, Wanda Palmer tani është “e vetëdijshme”, por e paaftë për të zhvilluar biseda të plota.