Nepotizmi dhe fakti,  që njerëz joprofesional vendosen në pozita drejtuese, e të cilët nuk punojnë në të mirë të Kosovës, por i kthejnë favore grupeve apo personave që i kanë vendosur aty, ka të bëjë me humbjen e individëve profesional, degradim të institucioneve dhe që Kosova të mbetet mbrapa. Kështu ka thënë ambasadori i Britanisë së Madhe, Ruairi O’Connell, pas nënshkrimit të marrëveshjes s[ mirëkuptimit  me kryeministrin e  vendit Ramush Haradinaj,  marr[veshje kjo ndërmjet Qeverisë së Kosovës dhe Qeverisë së Mbretërisë së Bashkuar,  për rekrutim në pozita të larta drejtuese në shërbimin civil dhe bordeve të ndërmarrjeve publike.  O’Connel me këtë rast ka thënë se Kosova ka shumë kuadro të përgatitur, të cilëve duhet tu ipet mundësi, raporton Informatat.com.

“Ne mund të iu ndihmojmë, por sfida për të vendosur njerëz të pavarur dhe meritokratik dhe profesional në krye të institucioneve sidomos në fushën sensitive, do të ketë sukses nëse qeveria mediat dhe qytetarët, punojnë drejtë arritjes së këtij qëllimi. Kjo është në interes të Kosovës. Ky projekt siguron që vetëm njerëzit më meritor, të mund të kalojnë fazat e rekrutimit. Emërimi pastaj bëhet nga Qeveria ose Kuvendi. Suksesi i këtij projekti, do të jetë sukses i Kosovës dhe dështimi i këtij projekti do të jetë dështim i Kosovës”, ka thënë O’connell.

Ndërsa ka folur me ecurin e këtij procesi deri tani, duke thënë se nuk ka qenë perfekt, por më i mirë se ata kishin menduar në fillim.

“Rezultati nuk është perfekt, por dorën në zemër më mirë se sa kemi menduar në fillim. Prandaj ia vlen ta vazhdojmë me këtë sfidë. Deri më tani 12 procese kanë rezultuar me emërimin e personave më meritor. Pesë procese kanë përfunduar mirë, por nuk kanë rezultuar me emërim. Një ka pasur emërim të pjesshëm të kandidatëve më meritor dhe disa të tjerëve që nuk kanë qenë meritor. Mirëpo i kemi dhe tri raste ku janë emëruar  persona, që nuk i kanë përmbushur kriteret, në kundërshtim me rekomandimet për kandidatët më meritor”, tha ai.

E kryeministri Ramush Haradinaj tha se në disa raste, mund dhe të mburren me rezultatet e arritura në këtë drejtim.  Kryeministri Haradinaj me këtë rast tha se po vazhdohet partneriteti me Britaninë e Madhe, si shtet mik i Kosovës në të gjitha proceset e rëndësishme të saj, tani edhe duke përkrahur objektiven e kësaj Qeverie për fuqizimin e qeverisjes së mirë, transparencës dhe llogaridhënies në institucionet publike.

 

“Përmes një partneri implementues britanik, ambasada ka ndihmuar në kthimin e besimit në organet publike, por edhe rekrutimin në pozita të larta të shërbimit civil – duke parandaluar nepotizmin dhe duke konsoliduar transparencën, meritokracinë dhe qeverisjen e mirë”, tha kryeministri Haradinaj, duke vlerësuar se deri më tani janë gjithsej 21 pozita të larta drejtuese të realizuara përmes partneritetit me Ambasadën Britanike për dy vitet e fundit.

 

Kryeministri Haradinaj tha se ky proces do të vazhdojë edhe më tutje me listën e re me gjithsej 22 pozita, të cilat do të realizohen në periudhën e ardhshme.

 

“Jemi me fat që ekspertizën shumëvjeçare britanike e kemi dhuratë dhe këtë duhet ta çmojmë dhe nderojmë me punë të mirë dhe të ndershme. Vetëm në këtë mënyrë nderojmë veten, atdheun dhe miqtë e vjetër të Kosovës, siç është Britania e Madhe”, tha kryeministri Haradinaj./Informatat.com/