Një pajisje e hollë në formë të robotit, është krijuar nga një grup shkencëtarësh me qëllim për të trajtuar bllokimin e arterieve dhe parandalimin e sulmeve në zemër, duke dërguar barna direkt në tru, raporton Dailymail.

Kjo pajisje robotike, do të lëviz brenda trupit duke përdorur fusha magnetike si dhe do të kontrollohet nga jashtë me anë të pajisjeve kompjuterike.

Pavarësisht faktit që ende nuk është testuar në pacientë të vërtetë, inxhinierët e kanë aprovuar dhe i kanë konfirumuar funksionet e tij, duke e testuar në një mostër të ngjashme me trurin e njeriut.

Shkencëtarët shpresojnë që një një të ardhme të afërt, ata do të jenë të aftë të trajtojnë njerëzit, me probleme të tilla për të parandaluar sulmet në tru dhe zemër.

Kjo pajisje ëshë  e krijuar nga nikeli dhe titaniumi, si dhe i mbështjellur nga një shtresë me hidroxhel, e cila përdoret për të mos dëmtuar indet brenda arterieve.

Sipas autorit të këtij krijimi, nëse kjo pajisje do të arrijë të trajtojë bllokimin e arterieve brenda 90 minutave, gjasat e mbijetesës për njerëzit që pësojnë sulm ne zemër do të rriten dukshëm.

Vetëm në Britaninë e Madhe çdo vit ndodhin përafërsisht 100.000 sulme në zemër, dhe ky problem është faktori numër katër i vdekjeve në botë.

Punimi është publikuar në revistën shkencore “Science Robotics”.