Është arrestuar edhe i dyshuari i pestë për grabitjen e një zyreje në Pejë.

Personat e dyshuar me 1 mars të maskuar kanë hyrë brenda dhe nën kërcënimin e një thike kanë arritur të grabisin 3 mijë eurove nga viktima.

Personat e dyshuar së bashku janë bashkuar edhe me dy të tjerë që po ashtu ishin të maskuar dhe kanë ikur në drejtim të panjohur.

Me këtë rast policia të hënën më 7 mars ka arritur t’ua vë prangat katër personave.

E po ashtu në orët e vona të së hënës është arrestuar edhe i dyshuari i pestë.

Sipas policisë tre të dyshuar janë të mitur.

“Më datë 01.03.2022, rreth orës 22:20, Policia është njoftuar se në rrugën “ Beteja e Loxhës” në Pejë, një grup i personave të maskuar kanë hyrë ne zyrën e lokalit dhe nën kërcënimin e armës së ftohtë (thikë), i kanë grabitur viktimës rreth tremijë (3000) euro, të dyshuarit kanë dal duke u bashkuar edhe me dy persona të tjerë të gjithë të maskuar, dhe kanë ikur ne drejtim të panjohur”.

“Rastit ju kanë përgjigjur njësitet relevante nga Drejtoria Rajonale e Policisë në Pejë dhe pas një pune operative dhe hetimeve intensive nga ana e hetuesve të Sektorit Rajonal për Hetime, është arrit të identifikohen, dhe me datë 07.03.2022, janë arrestuar katër (4) persona të dyshuar meshkuj kosovar, dy (2) nga të arrestuarit janë persona të mitur”.

“Pas konsultimit me prokurorin kompetent, të dyshuarit janë intervistuar dhe me urdhër të tij ndaj dy të dyshuarve është caktuar masa e ndalimit policor prej 48- orësh, ndërsa ndaj dy personave të mitur është caktuar masa e ndalimit prej 24- orësh”.

“Pas vazhdimit të hetimeve intensive nga hetuesit e Sektorit Rajonal për Hetime, në orët e vona të datës 07.03.2022, kanë arritur ta arrestojnë edhe të dyshuarin e pestë (5) për veprën penale “ Grabitje””.

“Pas konsultimit me prokurorin kompetent, ndaj të dyshuarit (i mitur) është caktuar masa e ndalimit policor prej 24 orësh”.