Një 30-vjeçar  shtë arrestuar të mërkurën, pasi i njëjti dyshohet se para 10 ditësh kishte kryer vjedhje në një shtëpi në Pejë.

Ai dyshohet se kishte vjedhur 15 mijë euro dhe ari në vlerë prej pesë mijë eurosh, dhe ishte larguar në drejtim të panjohur.

“Më datën 13.03.2022, rreth orës 15:30, policia ka pranuar një informacion se në rrugën “Vëllezërit Kastrati”, në Pejë, person/a të panjohur kishin hyrë në një shtëpi dhe sipas pronarit të shtëpisë (viktimës), kanë vjedhur para në vlerë prej pesëmbëdhjetë mijë (15000) euro, ari në vlerë prej pesë mijë (5000) euro, dhe janë larguar në drejtim të panjohur”, thuhet në njoftimin e policisë.

“Sot me datë 23.03.2022, me urdhër të Gjykatës kompetente është bërë bastisja e shtëpisë së personit të dyshuar dhe është arrestuar i dyshuari: R. S. lindur më 1992”, thuhet tutje, transmeton Klankosova.tv

Pas intervistimit, personit të dyshuar, me urdhër të Prokurorit të shtetit, i është caktuar masa e ndalimit prej 48-orësh.