Drejtori i të ashtuquajturës Zyre për Kosovën në Qeverinë e Serbisë, Petar Petkoviq, tha se presidenti i Serbisë, Aleksandar Vuçiq, ka zhvilluar sot konsultime me përfaqësuesit politikë të serbëve nga Kosova dhe se nesër do t’i drejtohet publikut lidhur me lëvizjet e reja, siç i quajti ai, të njëanshme të Prishtinës, shkruan kosovo-online.

“Kur Vuçiq t’i drejtohet publikut, ai do t’i bëjë thirrje edhe një herë Quintit që të reagojë dhe t’i përgjigjet lutjes së fundit por edhe të madhe që Quinti të arsyetojë me Kurtin dhe të ndalojë vendimet e çmendura të Prishtinës”, tha Petkoviq në një konferencë të jashtëzakonshme për shtyp lidhur me vendimet e Prishtinës për dokumentet e identitetit dhe targat e regjistrimit.

Petkoviq tha se Vuçiq do të flasë nesër në orën 10:00.

Ai po ashtu ka bërë të ditur se nesër do të ketë një takim të madh me të gjithë përfaqësuesit politikë të serbëve në Kosovë.