Ministri i Financave, Punës dhe Transfereve ka bërë të ditur se ia kanë transferuar ministrisë së Ekonomisë 40 milionë euro për mbështetjen e ndërmarrjes publike KOSTT.

Kjo, sipas Muratit, po bëhet duke marrë parasysh situatën e vështirë financiare nëpër të cilën po kalon KOSTT-i ndaj Rrjetit Evropian të Operatorëve të Sistemit të Transmisionit për Energjinë Elektrike – ENTSO, pasi tash parashihet që të vazhdohet marrëveshja e cila ka qenë vetëm për dy vjet.

“Në kuadër të kësaj, kërkesa ka qenë për ndarjen e mjeteve për mbështetje në kuadër të ndërmarrjeve publike dhe sipas masës 4.6 që parasheh mbështetjen për ndërmarrje publike aprovohet ndarja e 40 milionë eurove që merren nga nënprogrami i Ringjalljes Ekonomike”, është shprehur Murati.