Drejtori i IKSHP-së, Naser Ramadani ka thënë se Kosova ka ndërtuar një strategji rreth imunizimit të vaksinës Anti-COVID e cila do të fillojë së shpejti.

Në një konferencë për media lidhur me vaksinat kundër koronavirusit, Ramadani theksoi se janë bërë përgatitjet edhe për thirrjen e personave në termin të caktuara në çdo punkt të QMF-ve.

“Në qendrat e QMF ekziston një vet-aplikacion që nis së shpejti. Secili person i vaksinuar do të pajiset me një kartelë e cila do të jetë universale për të gjithë ata që janë të imunizuar e i cili ju shërben për çështje të shumëllojshme”.

“Kategoritë kryesore janë; punëtorët shëndetësor, personat mbi 65 vjeç dhe të gjithë personat e tjerë me sëmundje kronike. Ne kemi planifikuar vaksinim për tërë popullatën e Kosovës nga ekipet që kanë përvojë të duhur me një kapacitet të 20 mijë dozave në ditë, një kapacitet i menaxhimit tejet efikas të dhënies së vaksinave me kohë”.