Një 36 vjeçar është therur me thikë nga një 52 vjeçar, në lagjen Ulpiana.

Policia njofton se pas një mosmarrëveshjeje në mes të dy personave, viktima ka pësuar lëndime trupore nga një mjet i mprehtë dhe është dërguar në QKUK.

Ndërkohë, i dyshuari 52 vjeçar është arrestuar.

Njoftimi i plotë:

Sot rreth orës 08:30 nga njësite të stacionit policor Jugu në Prishtinë, është arrestuar një person i dyshuar për lëndim trupor.

Rasti, lëndim trupor, ka ndodhur në lagjen Ulpiana në Prishtinë, ku pas një mosmarrëveshje në mes të dy personave, ka rezultuar me një rrahje, me ç’ rast një prej tyre: D.Z , 36 vjeç, mashkull, shtetas Kosovar ka pësuar lëndime nga një mjet i mprehtë.

Personi i lënduar është dërguar në QKUK, për trajtim mjekësor, ndërkohë që lidhur me këtë rast, policia ka arrestuar personin e dyshuar: D, 52 vjeç, mashkull, shtetas Kosovar.

Aktualisht hetuesit janë duke kryer veprimet e nevojshme hetimore dhe procedurale, për sqarimin dhe zbardhjen e plotë të motiveve dhe rrethanave të ngjarjes.