Mbi 27 mijë raste të reja të koronavirusit, janë raportuar së fundi në Shanghai, nga Qendra financiare e Kinës.

Kjo shifër ka vendosur një rekord të ri infektimesh në këtë vend, një ditë pasi presidenti kinez, Xi Jinping, tha se duhet të vazhdohet me politikën e tij të rreptë ‘’të pastrimit dinamik të Covid-it’’ dhe me masat e kontrollit të pandemisë, shkruan Reuters, përcjell Klankosova.tv.

Shanghai po lufton me shpërthimin më të keq të Kinës, Covid-19, që kur virusi u shfaq për herë të parë në Ëuhan në fund të vitit 2019, me 25 milionë banorët e qytetit që mbeten kryesisht nën izolim, megjithëse kufizimet u lehtësuan pjesërisht në disa zona këtë javë.

Duke rritur shpresat për një ndryshim në politikë, të mërkurën Qendra Kineze për Kontrollin dhe Parandalimin e Sëmundjeve (CDC) publikoi një udhëzues për karantinimin në shtëpi në mediat e saj sociale.

Sipas rregullave të ashpra të Kinës, edhe njerëzit pa simptoma duhet të kalojnë në karantinë në objektet e centralizuara, ku shumë njerëz janë ankuar për kushte të këqija.